Myndlistanámskeið fyrir börn og unglinga

Hverfi: 
Breiðholt, Grafarvogur, Miðborg og Hlíðar
Efnisflokkur: 
Myndlist
Tímabil: 
febrúar, mars, apríl, maí
Aldur: 
4 ára, 5 ára, 6 ára, 7 ára, 8 ára, 9 ára, 10 ára, 12 ára, 13 ára, 14 ára, 15 ára, 16 ára
Frístundakort: 
Ókeypis námskeið: 

Myndlistaskólinn í Reykjavík býður upp á fjölbreytt og skapandi námskeið á vorönn fyrir börn og unglinga. Námskeiðin hefjast að þessu sinni í byrjun febrúar og standa yfir fram í maí.

Börnunum er skipt í fjóra aldurshópa: 4-5 ára, 6-9 ára og 10-12 ára. Þá eru einnig í boði námskeið fyrir unglinga á aldrinum 13-16 ára.

Börnin eru aldrei fleiri en sex í yngstu aldurshópunum og mest tólf í unglingahópunum. Þannig er tryggt að hvert barn fái persónulega tilsögn við sitt hæfi.

Í yngstu aldurshópunum er lögð áhersla á að gefa nemendum kost á að kynnast ýmsum efnum og aðferðum myndlistarinnar en í eldri hópunum er fyrst og fremst unnið með teikningu og málverk. Þá eru einnig í boði námskeið í leirmótun og rennslu, tölvuteikningu, myndasögugerð og mangateikningu.

Námskeiðin eru haldin á þremur stöðum á höfuðborgarsvæðinu: Í JL-húsinu við Hringbraut, í félagsmiðstöðinni Miðbergi við Gerðuberg og á Korpúlfsstöðum. 

Allir kennarar í barna- og unglingadeild eru háskólamenntaðir á sviði myndlistar, hönnunar eða byggingarlistar.

Barna- og unglingadeild nýtur stuðnings Skóla- og frístundasviðs Reykjavíkur sem niðurgreiðir námskeiðsgjöld fyrir börn og unglinga með lögheimili í borginni.

Síðast uppfært: 
Föstudagur, 12. mars 2021 - 13:51